Tottenhami kompletoi transferimin e Radu Dragusin nga Genoa, për një shumë afro 30 milionë euro.
Por, për Tottenhamin nuk ishte e lehtë ta siguronte nënshkrimin e tij, pasi që edhe Bayern Munichu ishte në garë për Dragusin, raporton KosovaPress.
Por, në fund gjithçka erdhi te vendimi i vetë Dragusin, ku mbrojtësi rumun zgjodhi Tottenhamin para Bayernit.
Tani, trajneri i Tottenhamit, Ange Postecoglou e ka zbuluar se çfarë i ka thënë Dragusinit, që e shtyu këtë të fundit ta refuzonte interesimin nga Bayerni.
“Ne punuam drejtë në këtë punë. Çfarë i thash Radus për ta bindur? Është vetëm një bisedë për të cilën unë besoj dhe mendimet e mia për ta si lojtarë dhe se ku përshtaten. Ai me të vërtetë dëshironte t’i bashkohej këtij klubi”, tha Postecoglou.
