Ka nisur Kupa e Azisë 2023, që po zhvillohet në Katar, pas tërheqjes së Kinës, që duhet të organizonte eventin në verën e vitit të kaluar.
Vendasit kanë debutuar me fitore, në ndeshjen hapëse të turneut, duke mposhtur me rezultatin e pastër 3-0 Libanin.
Afif ka zhbllokuar sfidën në fundin e pjesës së parë, ndërsa Almoez Ali ka dyfishuar shifrat në pjesën e dytë. Në minutën e 6-të shtesë Afif ka shënuar golin e dytë personal dhe ka vulosur fitoren 3-0 të kampionëve në fuqi të turneut.
Japonia dhe Korea e Jugut janë dy skuadrat favorite për fitimin e titullit, por edhe Irani ka një skuadër cilësore. Nesër do të luhen tre ndeshje të tjera të fazës së grupeve të Kupës së Azisë.
