Manchester United është në kërkim të një qendërmbrojtësi të ri dhe, sipas raportimeve nga Anglia, ka vënë në shënjestër Jean-Clair Todibo, mbrojtësi i Nice, e dyta në renditjen e Ligue 1.
Klubi francez do të ishte i hapur për të shitur lojtarin, por për ta lënë atë të largohet këtë janar do të duhet një ofertë e madhe: Nice, në fakt, kërkon të paktën 60 milionë euro për të shitur lojtarin, një shifër shumë e lartë.
Ish-lojtar i Barcelonas, Todibo është një nga mbrojtësit e rinj më të mirë në kampionatin francez dhe ka tërhequr interesin e disa klubeve të mëdha.
Barcelona, e cila e shiti në vitin 2021, ruan 20% të rishitjes së ardhshme të lojtarit dhe për këtë arsye po vëzhgon me shumë interes zhvillimet e operacionit të mundshëm, siç nënvizohet nga Mundo Deportivo.
