Protagonisti i madh i ndeshjes së të shtunës në mbrëmje, Hakan Calhanoglu e ka komentuar fitoren e thellë 5-1 të Inter-it kundër Monza-s në një intervistë të dhënë për Sky Sport:
– Çfarë përgjigje është kjo fitore 5-1 ndaj Monza-s?
“Përgjigja e duhur. Mund të ndodhin ndeshje si ajo kundër Veronës, e rëndësishme është të fokusohemi gjithmonë në ndeshjet e radhës.
E nisëm mirë, në njëzet minutat e para treguam se donim të fitonim”.
– Çfarë do të thotë të fitosh dhe të zhvendosësh presionin tek Juventusi?
“Unë nuk i shikoj të tjerët, ne fokusohemi vetëm në punën tonë. Ne gjithmonë do të përpiqemi të përmirësohemi duke fituar ndeshje të tilla. Monza ka lojtarë cilësorë, por nëse luajmë kështu, do të jetë e vështirë të na mposhtin”.
– Sa dëshironi të ngrini një trofe?
“Ka ende kohë. Ne do të mendojmë për Superkupën nga e marta, ne patjetër duam ta mbrojmë atë. Le të shohim”.
– A është ky Calhanoglu më i miri ndonjëherë?
“Po, jam përmirësuar. Më pëlqen shumë ky rol. Unë gjithmonë do të jap gjithçka për ekipin”.
