Olympique Marseille vijon punën për përmirësimin e sektorit të të rinjve, në pritje të shenjave pozitive nga ekipi i parë.
Mes nënshkrimeve të reja të zyrtarizuara në orët e fundit, shfaqet edhe profili i Francesco Gattuso, djalit të trajnerit aktual të OM. Kjo është kontrata e parë profesionale për 17-vjeçarin, ashtu si edhe eksperienca e tij e parë në Francë.
Francesco, djali i Gennaro Ivan Gattusos, i hodhi hapat e parë në botën e futbollit në radhët e Acri, një skuadër kalabreze, që i dha mundësinë të vishte fanellën e Crotone. Klubi i Gianni Vrenna-s u fokusua te portieri i lindur në vitin 2005, 1.93 m i gjatë, përpara se ta kthente te Victor San Marino.
Asnjë paraqitje në Serie D, ndërsa mburret me 6 ndeshje dhe një portë të pastër në kampionatin “Primavera 2”. Tani, eksperienca e re në Marsejë, nën sytë e babit “Ringhio”. Përveç Francesco Gattusos, janë regjistruar edhe lojtarët e rinj Adam Nosel dhe Mouhamed Diallo.
