Frozinone ka marrë një fitore me përmbysje në javën e 21-të të Serisë A, ku në shtëpi kanë mundur Kaljarin në shifrat 3-1.
Takimi nisi mbarë për skuadrën mike, ku në minutën e 26-të Sulemana kalon Kaljarin në avantazh.
Në minutën e parë shtesë të pjesës së parë Frozinone gjen golin, por anulohet kështu që pjesa e parë mbyllet në shifrat 0-1 për Kaljarin.
Por pjesa e dytë dhuroi një tablo tjetër ku Frozinone arrin të përmbysë rezultatin duke shënuar tre gola. Në minutën e 64-t Maziteli barazon shifrat në 1-1.
Në të 75-ën Soule kalon Frozinonen në avantazh, ndërsa në minutën e gjashtë shtesë Kaio Zhorge shënon golin e tretë.
Dy futbollistët shqiptar që janë pjesë e Frozinones, Marvin Çuni dhe Arijon Ibrahimovic e ndoqën nga stoli triumfin e skuadrës së tyre.
