Duke folur për “Gazzetta dello Sport”, Luca Toni “skanoi” momentin e madh që po përjeton Dusan Vlahovic me fanellën e Juventusit. Për ish-qendërsulmuesin e kombëtares italiane, shpërthimi i serbit sigurisht nuk është rastësi. Mendimet e tij shkojnë pas në kohë, verën e kaluar, kur bardhezinjtë kishin punuar për një shkëmbim të mundshëm me Romelu Lukakun.
Vlahoviq e ka kaluar Lukakun; 11 gola me 9. A mendoni për verën e vitit të kaluar, kur u ideua shkëmbimi i mundshëm mes të dyve?
Unë kam qenë gjithmonë skeptik dhe madje e thashë publikisht. Juventusi bëri mirë që e mbajti Vlahoviq.
Nëse serbi vazhdon të shënojë me vazhdimësinë e këtij fillimi të vitit 2024, sirenat angleze do të ndizen sërish në verë. Nëse do të ishe te Juventusi, a do ta sakrifikoje Vlahoviq për 90 milionë?
Jo, as për 100 milionë euro. Ai është i fortë, i ri. Këto shifra do të vijnë në të ardhmen për dikë si Vlahoviq, i destinuar të bëhet një nga ‘9’ më të mirë në Europë.