Roma është me të vërtetë pranë Anxhelinos, mbrojtësi spanjoll i datëlindjes 1997 që është në pronësi të Lajpsigut, por i huazuar tek turqit e Gallatasarajit.
Sikurse raporton Xhianluka Marcio, verdhekuqtë kanë shtuar intesitetin e bisedimeve me lojtarin, por edhe me klubin gjerman.
Por gjithçka duket se ka mbetur në tratativë, sepse diskutimet janë në fazën e bllokimit. Për të marrë Anxhelinon, Roma duhet të bëjë disa shitje.
E kandidatët për t’u larguar për të pasur më pas spanjollin tek verdhekuqtë e De Rosit janë Renato Sançez, Çelik dhe Kumbulla.
Anxhelino do të mund të vinte me formulën e huazimit me të drejtën e blerjes, ndërsa në pjesën e parë të sezonit tek turqit e Gallatasarajit nuk e plotësoi numrin e caktuar të ndeshjeve. Pra nga 20 që ishin marrë vesh të dy klubet luajti me turqit vetëm 19 e kjo krijoi polemika mes Lajpsigut dhe Gallatasarit. Gjithsesi, Roma bën gati tre lojtarë për të shitur për të marrë Anxhelinon..
