Milani nuk duhet të përjashtohet apriori nga lufta për titull që prej disa javësh po sheh dyluftimin e Interit dhe Juventusit.
Ky është mendimi i Thiago Motta-s, i cili ka të njëjtin mendim me Simone Inzaghi, kur flet për shanset që kundërshtari i radhës i Bologna-s së tij të fitojë kampionatin:
“Nga të gjitha ato që u luajtëm, ndeshja e parë kundër Milanit është një nga të paktat në të cilën nuk e pata ndjenjën se mund të fitoja”, shpjegoi italo-braziliani në konferencën për shtyp.
“Milan është një nga kandidatët për titullin, gjithmonë e nis shumë fort…
Të shtunën do të duhet të përpiqemi të imponojmë lojën tonë, duke u përpjekur të jemi të vendosur në idetë tona".
