Ivan Rakitic do t’i japë fund sot eksperiencës evropiane.
Mesfushori kroat ka arritur marrëveshje me klubin nga Arabia Saudite, Al Shabab.
Lajmin e ka bërë të ditur gazetari sportiv italian, Fabrizio Romano.
Sipas këtij të fundit, përfaqësuesi kroat i ka kompletuar vizitat mjekësore me klubin e ri, ndërsa do t’i japë kështu fund përvojës në Sevilla.
Ish-futbollisti i Barcelonës mësohet se do të nënshkruajë kontratë deri në qershor të vitit 2025, respektivisht për një vit e gjysmë.
Mesfushori kreativ kështu do ta pasurojë Saudi Pro League, ku në vitin 2023 përfunduan yje të shumtë të futbollit evropian.
