Ensar Huruglica do të jetë përforcimi më i ri i Dritës.
Këtë lajm e ka konfirmuar vetë klubi zvicerian SC Kriens i cili garon në Ligën e Tretë të Zvicrës
Huruglica është nga Gjilani dhe luan në pozitën e mesfushorit defansiv.
“Ensari dëshiron ta shfrytëzojë rastin dhe t’i bashkohet ligës më të lartë të Kosovës.
Ky është një hap i madh për një lojtar të ri, por ne nuk duam ta pengojmë.
Së bashku me Ensarin, kemi vendosur që ta ndërpresim kontratën e tij në Kleinfeld menjëherë, në mënyrë që t’ia mundësojmë lëvizjen jashtë vendit, thotë menaxheri sportiv i SCK, Marco Wiget.” thuhet në njoftim.
20-vjeçari në Transfermarkt vlerësohet me 75 mijë euro.
