Federata Botërore e Futbollit (FIFA) ka urdhëruar Venezuelën t’i paguajë thuajse 3 milion dollarë argjentinasit Hoze Pekerman si dëmshpërblim për shkarkimin e tij nga detyra e trajnerit të kombëtares në mars 2023.
Federata e Futbollit të Venezuelës do t’i paguajë Pekermanit 1.71 milion dollarë si dëmshpërblim, plus dhe 5 përqind të interesave vjetore nga 23 gushti 2023 deri në shlyerjen e borxhit të rrogës dhe 1.14 milion dollarë si gjobë, kjo sipas një vendimi të Gjykatës në FIFA marrë më 6 nëntor dhe zbardhur e zyrtarizuar sot.
Pas 15 muajsh në drejtimin e kombëtares venezueliane, 74-vjeçari Pekerman kishte lënë vendin në prag të fillimit të kualifikueseve të Botërorit 2026.
Sipas shtypit venezuelian, Pekerman ishte shkarkuar pas parregullsisë në administrimin e Paskual Lezkanos, krahu i djathtë i trajnerit.
Mbërritja e ish-trajnerit të Kolumbisë dhe Argjentinës kishte rritur shumë pritshmëritë në Venezuelë, i vetmit vend i Amerikës së Jugut dhe Konmebolit që nuk është kualifikuar kurrë në një Botëror.
Tre herë kampioni i Botës me Argjentinën e moshës deri në 20 vjeç, Pekerman kishte pasuar portugezin Zhoze Pezeiro, që është dorëhequr për shkak të një borxhi rroge prej 14 muajsh, që më pas e kishte marrë. Pekerman më pas është zëvendësuar nga një prej ndihmësve të tij dhe për më tepër bashkatdhetari Fernando “Boka” Batista.
