Lecce do duhet të bëjë pa njërin prej titullarëve të skuadrës në ndeshjen e kësaj të premteje ndaj Fiorentës.
Mesfushori i kombëtares shqiptare të futbollit, Ylber Ramadani nuk do mund të luajë në këtë takim, pasi është i pezulluar për shkak të kartonëve.
Kështu në javën e 23-të të Serie A, Lecce do duhet të luajë pa dy lojtarë shqiptarë, pasi Dermaku vuan prej një kohe të gjatë prej dëmtimeve dhe nuk është ende në gjendjen optimale për t’u rikthyer në fushën e blertë, teksa Ramadani është i pezulluar për këtë takim.
I vetmi lojtar “kuqezi” që do të jetë në dispozicion të trajnerit D’Aversa është kapiteni i Kombëtares U-21, Medon Berisha.
