Erzeni dhe Dinamo do të luajnë ditën e sotme ndeshjen e vlefshme për javën e 22-të të “Abissnet Superiore”.
Sfida që do të zhvillohet në Rrogozhinë në stadiumin “Arena Egnatia” do të startojë në orën 13:30.
Shijakasit vijnë në këtë sfidë për të kërkuar fitoren pas 3 ndeshjes dhe për t’u larguar nga zona e ftohtë, ndërsa në krahun tjetër dinamovitët kërkojnë 3 pikët për t’u afruar me katërshen e parë.
Por ajo ç’ka “favorizon” dinamovitët janë rezultatet e së shkuarës që kanë përballë Erzenit.
Në 10 ndeshje të luajtura përballë njëra-tjetrës, “Blutë” kanë fituar 6, ndërsa Erzeni 4. Gjithsesi mbetet një motiv më shumë për të dyja ekipet që të përmirësojnë statistikat.
