Të enjten në Paris është hedhur shorti për grupet e Ligës së Kombeve dhe Rumania do të luajë në Grupin 2 të Ligës C, së bashku me Kosovën, Qipron dhe Lituaninë apo Gjibraltarin.
“Kosovarët ishin kundërshtarë tanë edhe në kualifikuese për EURO 2024.
Në Prishtinë ndeshja përfundoi me barazim të pastër (0:0), ndërsa në Bukuresht “Trikolorët” mbizotëruan me rezultat 2:0”, shkruan medium i rumun “Digisport”.
Mihai Stoichita nuk ka frikë nga incidentet e mundshme në ndeshjen me Kosovën në Ligën e Kombeve
Emri i njohur i futbollit rumun, Mihai Stoichiata, beson se UEFA nuk duhet të marrë masa të veçanta para ndeshjes së Rumanisë me Kosovën në Ligën e Kombeve, edhe nëse në takimin e kaluar ka pasur incidente të pakëndshme të shkaktuara nga grupi “Të bashkuar nën trengjyrësh”.
Drejtori teknik i FRF-së pretendon se nuk ka armiqësi mes dy federatave dhe shpjegoi se federalët rumunë do të përpiqen të paralajmërojnë tifozët për disa pasoja që do të kenë nëse do të ketë incidente të tjera në tribuna.
Nëse ka mundësi që UEFA të marrë masa para ndeshjes me Kosovën në Ligën e Kombeve...
“Është absurde, për çfarë, kemi konflikte të armatosura? Unë jam i interesuar për sportin, kemi shtrënguar duart me përfaqësuesit e tyre.
Pse duhet të ketë incidente në Bukuresht, nuk kam dëgjuar asnjë lloj incidenti mes nesh dhe kosovarëve.
Ne përpiqemi t'i ndërgjegjësojmë njerëzit se duhet të jemi jashtëzakonisht të kujdesshëm që të mos përfundojmë në situata të pakëndshme.
Ndoshta do të gjejmë mjetet me të cilat të informojmë për pasojat që mund të na bien.
Duke qenë se kishim një shikueshmëri të jashtëzakonshme në ndeshjen e fundit, një shikueshmëri të tillë mund ta kemi edhe në ndeshjet e ardhshme.
Nuk kemi çfarë të ndajmë me askënd. Në përgjithësi rumunët nuk kanë gjendje lufte apo konflikti me askënd”, tha Mihai Stoichița në emisionin “Fotbal Club”.
