Napoli nuk ia doli në stadiumin "Diego Armando Maradona" duke barazuar me rezultat 1:1 me Genoa-n.
Një ditë e keqe për skuadrën kampione e cila është gjithnjë e më larg zonës së vendeve që shpien në garat evropiane.
Në fillim të pjesës së dytë, në minutën e 47-të, Frendrup kaloi në epërsi Genoa-n.
Vendasit barazuan me golin e Ngonge në minutën e 90-të.
Reprezentuesi i Kosovës, Amir Rrahmani, ka luajtur titullar por pa sukses me Napolin.
Pas javës së 25-të në serie A, Napoli zë vendin e 9-të me 36 pikë e ka 6 më shumë se Genoa në të 12-tin.
