Kujtimi i Silvio Berlusconi, por edhe një takim me Zlatan Ibrahimovic. Përtej të kaluarës së tij, Monza-Milan është një ndeshje shumë e veçantë për Adriano Galliani-n.
Administratori i deleguar i bardhekuqve, i intervistuar nga La Gazzetta dello Sport, ka folur pikërisht për marrëdhënien e tij me ish-sulmuesin, tani këshilltar i RedBird dhe në thelb drejtues i Milan-it:
– Historia juaj ka nisur në 2010-ën.
“Mund të kishte ndodhur edhe më përpara, në 2006-ën. Braida po përgatiste detajet e fundit, më pas ndërhyri Calciopoli, me Milan-in që u penalizua me 30 pikë. Për të njëjtat arsye, Ibra po largohej nga Juventus dhe Inter-i na parakaloi”.
– Më pas nisi një cikël.
“Dy vite të mrekullueshëm, fituam titullin.
Në 2012-ën, Ibrahimovic donte të qëndronte dhe unë i thashë së do të qëndronte. Mino kishte kuptuar gjithçka, si zakonisht, por e shitëm vetëm sepse rrethanat nuk na lejonin të bënim gjë tjetër. Ibra nuk më foli për dy vite: mendonte se e kisha tradhtuar.
“Më pas jemi pajtuar. Ibrahimovic është i drejtë, transparent edhe kur zemërohet. Dhe dashuria e tij për Milan-in ishte shumë e madhe. Sot do të darkojmë bashkë në stadium: unë, ai dhe Scaroni”.
