Ka përfunduar ndeshja mes Flamurtarit dhe Korabit e vlefshme për javën e 21-të të Kategorisë së Parë.
Ndeshja që u zhvillua në qytetin e Vlorës përfundoi me fitoren e pastër 2-0 të kuqezinjve.
Pas kësaj sfide për mikrofonat e MCN TV, foli trajneri i Korabit, Shpendi Kumbarçe.
“Duke krahasuar Flamurtarin e vitit të kaluar me këtë të sotmin është tepër më i fortë. Duket dora e trajnerit, e përgëzoj Memushin.
Edhe pse këtë javë na u rikthyen dy lojtarë kryesorë sepse ishin me grip, mungesa e Markut bëri që ne t’na bjerë ritmin.
Stoli është i pakët në numër dhe kontigjenti që është më afër stolit është i dëmtuar dhe nuk kishim skuadrën të plotë dhe ndërrimet i kishim të limituara”, u shpreh trajneri i Korabit.
