Thierry Henry ka vetëm fjalë të mira për Xavin, me të cilin ka luajtur dhe fituar te Barcelona.
Ish-kapiteni mban postin e trajnerit tek ekipi katalanas, por në verë do të largohet. Siç lajmëroi ditë më parë.
44-vjeçari është përballur me shumë kritika në periudhën e fundit, ndërkohë që ish-sulmuesi francez mendon ndryshe, duke e konsideruar shumë të mirë punën e tij në stolin e Barçës.
“Nuk më intereson se çfarë flasin njerëzit, unë jam i befasuar nga puna që po bën. Ti fitove titullin. Duhet të jesh krenar, dhe unë e di që je”, iu drejtuar Henry pas barazimit 1-1 kundër Napolit në Champions.
Elozhet e drejtpërdrejta vazhdojnë: “Jam shumë krenar që kam ndarë fushën me ty. Mësova shumë prej teje gjatë aventurës te Barcelona. Nuk e harroj ditën kur erdhe dhe më the:
‘Fol pasi të kesh fituar diçka këtu. Atëherë do e kuptosh se çfarë do të thotë Barcelona’. Truri yt është i dyti vetëm pas Pep Guardiolës sa i përket mënyrës se si e sheh futbollin”.
Fjalë që i ngrohën zemrën Xavit, i cili falënderoi mikun e tij. “Titi, i vlerësoj shumë fjalët e tua. Ti e di që të dua shumë. Ke patur një ndikim të madh te Barça dhe na ke ndihmuar shumë. Je një mik fantastik”.
