Lazio tronditet në finish duke pësuar humbje me rezultat 1:0 nga Milani, në takimin e javës së 27-të të Serie A në futboll.
Milani ka shënuar fitore me rezultat 1:0 ndaj Lazios në Romë.
Kur dukej se sfida po shkon në barazim, në minutën e 88-të Okafor ka shënuar për fitoren e Milanit.
Në minutën e 57-të, Pellegrini i Lazios është përjashtuar me karton të kuq pas dy kartonëve të verdhë.
Reprezentuesi i Shqipërisë, Elseid Hysaj, është paraqitur nga minuta e 60-të për Lazion.
Milani zë vendin e tretë me 56 pikë dhe Lazio është në të tetin me 40 sosh.
