Paris Saint-Germain siguroi mbrëmë kualifikimin në çerekfinale të Ligës së Kampionëve, pasi që e eliminoi Real Sociedadin.
PSG e mposhti Real Sociedadin me rezultat të përgjithshëm 4:1 brenda dy ndeshjeve.
Mbrëmë, kampioni francez triumfoi 2:1 si mysafirë në “Reale Arena”, ku të dy golat i shënoi superylli, Kylian Mbappe.
Pas ndeshjes, për mediat foli trajneri i PSG-së, Luis Enrique, i cili e konfirmoi se e ardhmja e Mbappes nuk shtrihet më te kampioni francez.
“Si duket e ardhmja e Kylian Mbappes nuk do të jetë këtu, kështu që ne duhet të testojmë taktikat me lojtarë të tjerë”, tha Enrique.
