Feronikeli 74 nga Drenasi ka marrë pikë të plota në stadiumin “Përparim Thaçi” në Prizren.
Skuadra nga Drenasi ka shënuar fitore me rezultat 2:0 ndaj Lirisë, në takimin e javës së 24-të të elitës së futbollit të Kosovës.
Ndeshjen e përcollën rreth 400 shikues.
Nuk ka shpëtim për Lirinë, kjo humbje e fundosi edhe më shumë.
Portieri i Lirisë, Stive Frashëri ka pritur penalltinë e Avdylit në minutën e 45+2.
Në minutën e 48-të Robert Rrahmani dhe Ibrahim Cërvadiku në atë të 71-tën, shënuan për fitoren e Feronikelit.
Liria është në vend të dhjetë (e fundit) me 10 pikë dhe Feronikeli 74 në të shtatin me 26 sosh.
