Favori i juventinëve ëshët fakti që Giuntoli ka muaj që bisedon me agjentët e futbollistëve dhe negociatat janë në një fazë të avancuar, teksa një rol të rëndësishëm do të luajë edhe dëshira e vetë Koopmeiners.
Teun Koopmeiners i shënoi dy herë Juventusit, duke shkuar në kuotën e 10 golave sezonalë dhe duke konfirmuar se është padyshim një nga mesfushorët më të mirë në qarkullim.
Holandezi që po shkëlqen me Atalantën, ndiqet prej kohësh nga Juventusi, që dëshiron ta marrë në Torino në verë, megjithatë situata është komplikuar ndjeshëm javët e fundit.
Kjo pasi në garë ka hyrë fuqishëm Liverpooli, që është gati të ofrojë para kesh për kartonin e Koopmeiners, ndryshe nga Juventusi, që ka modifikuar një ofertë në para dhe dy futbollistë.
Bardhezinjtë kishin planifikuar të paguajnë rreth 15 milionë euro, plus kartonët e Soule dhe Illing Junior, të cilët janë të huazuar te Frosinone, ndërsa anglezët janë gati të paguajnë 50 milionë euro për kartonin e Koopmeiners.
Favori i juventinëve është fakti që Giuntoli ka muaj që bisedon me agjentët e futbollistëve dhe negociatat janë në një fazë të avancuar, teksa një rol të rëndësishëm do të luajë edhe dëshira e vetë Koopmeiners.
Në pozita mjaft komode është Atalanta në këtë situatë, që jo vetëm sheh mesfushorin të kontribuojë me golat e tij, por edhe sheh t’i rriten adhuruesit e çmimi në treg. Tetë nga 10 golat e shënuar nga Koopmeiners këtë sezon, janë shënuar në transfertë, çka e bën edhe më të veçantë statistikën e holandezit.
