Pas dorëheqjes së Maurizio Sarrit si trajner i Lazios, të gjithë anëtarët e stafit të tij, përveç Giovanni Martusciello janë larguar gjithashtu nga klubi, ndërsa Igor Tudor pritet të takohet me Claudio Lotiton në orët në vijim.
Lazio konfirmoi dorëheqjen e Sarrit të mërkurën, duke njoftuar se ndihmësi i tij Martusciello do të mbetet në krye të skuadrës në “Stadio Olimpico”.
Me një deklaratë të dytë në mbrëmjen e sotme, Lazio njoftoi largimin e anëtarëve të stafit të Sarrit, me përjashtim të Martusciellos që do të drejtojë skuadrën në ndeshjen e radhës të Serie A kundër Frosinones të shtunën.
Mbetet për t'u parë se sa do të qëndrojë Martusciello në klub, duke pasur parasysh se gazetari italian, Matteo Moretto thotë se ish-trajneri i Hellas Verona, Igor Tudor pritet në Romë në orët e ardhshme për të zhvilluar bisedime me presidentin e klubit Lotiton.
Sipas spekulimeve, Lazio pritet t'i ofrojë ish-kroatit një kontratë deri në fund të sezonit me një opsion për ta vazhduar deri në vitin 2025.
