Është koha për derbin e qytetit të Gjilanit, apo derbin që ngjall interesimin më të madh në futbollin tonë mes Dritës dhe Gjilani.
Dy skuadrat e qytetit Drita dhe Gjilani sa herë që përballen mes vete dhurojnë spektakël në fushë, derisa tifozët e tyre ‘Intelektualët’ dhe ‘Skifterat’ përkujdesën për atmosferë elektrizuese në tribuna.
Fatkeqësisht derbi i ditës së sotme do të jetë i zbehtë në tribuna, pasi do të luhet pa praninë e dy tifo grupeve, ndër më të mirat në Kosovë.
Kjo ndeshje do të zhvillohet në stadiumin me bari sintetik në Gjilan, ku do të jenë të pranishme vetëm tifozët e skuadrës vendase ‘Intelektualët’ pasi ky stadium nuk i plotëson kushtet që t’i presë dy palë tifozëri.
Ndeshja e sotme është e 48-ta kampionale mes dy skuadrave, që kanë zhvilluar edhe shtatë përballje në Kupën e Kosovës.
Kjo është përballja e tretë këtë edicion 2023/24 në Albi Mall Superligë.
Drita ka bilanc më të mirë sa i përket ndeshjeve kampionale, ku ka marrë 18 fitore, 16 herë kanë përfunduar ndeshjet pa fitues dhe 12 fitore ka Gjilani.
