Elbasani ka triumfuar në shtëpi përballë Burrelit, në ndeshjen e vlefshme për javën e 25-të të Kategorisë së Parë. Sfida e cila u zhvillua në stadiumin “Elbasan Arena”, përfundoi me fitoren 3-0 të vendasve.
Golat për ekipin e Nevil Dedes u shënuan nga Leo Meo, Arsen Lleshi dhe Bobby Clement, duke i dhënë kështu ekipit të tyre një fitore mjaft të rëndësishme në këtë fazë të kampionatit.
Me këtë fitore Elbasani shkon në kuotën e 59 pikëve dhe mban kreun e renditjes.
Në krahun tjetër, Burreli mbetet në vendin e tetë në tabelën e klasifikimit, me 28 pikë të grumbulluara.
Tags: BurreliElbasan ArenaElbasaniJava e 25-teKategoria e Pare.
