Gerard Pique ka zbuluar se cili trajner ishte zgjedhja e tij numër një për të zëvendësuar Xavi-n te Barcelona.
“Për të menaxhuar Barçën duhet të jesh një lloj specifik trajneri dhe të kuptosh mënyrën se si luan Barça, kështu që opsionet janë shumë më pak”, tha Pique për The Times.
“Ata të dukshmet janë Pep Guardiola, sepse ai kishte të kaluarën e tij këtu, dhe ai është trajneri më i mirë për momentin, dhe Mikel Arteta.
“Ai do të ishte gjithashtu një zgjedhje e mirë. Ai e kupton Barcelonan dhe ka luajtur për Barçën në të kaluarën”.
Në janar, Arteta hodhi poshtë raportet që e lidhnin atë me stolin e Barcelonas, duke këmbëngulur se ai ishte në “vendin e duhur” tek Arsenal-i.
Kur u pyet nëse do të largohej nga Arsenali në verë, Arteta u përgjigj: “Jo. Ky është një lajm krejtësisht i rremë. Nuk e di nga vjen, është krejtësisht e pavërtetë dhe jam shumë i mërzitur për këtë. Nuk mund ta besoja. Nuk ka burime. Duhet të jeni të kujdesshëm kur i shkruani gjërat”.
