Pse Kylian Mbappe ende nuk e ka bërë të ditur se ku do të luajë sezonin e ardhshëm?
Nuk është mister që kampioni francez tashmë ka vendosur të largohet nga Paris Saint-Germain për t’u transferuar te Real Madrid. Por çfarë e pengon lojtarin të komunikojë publikisht.
Jerome Rothen, një fytyrë e njohur e futbollit francez (tani një komentator i njohur), zbuloi arsyet:
“Mbappe do të nënshkruajë për Real Madridin, nuk po i them askujt asgjë të re”, tha ai për RMC Sport.
“Ai do ta japë lajmin përpara Kampionatit Europian, do ta shpallë kur Paris Saint-Germain të eliminohet nga Champions League ose kur Real Madrid të eliminohet nga Champions League.
“Për sa kohë që ekziston mundësia për të parë PSG-Real Madrid, ai nuk do të njoftojë asgjë”.
Kështu kurioziteti rritet për të parë se çfarë mund të ndodhë në rast të një përplasjeje mes dy skuadrave.
