David Beckham foli për lidhjen e thellë dhe admirimin që ka për gruan e tij, Victoria Beckham, gjatë një bisede të përzemërt në “This Life of Mine”. 48-vjeçari ka reflektuar për rrugëtimin e dashurisë dhe partneritetit që ndau me ish-këngëtaren e Spice Girl, duke nxjerrë në pah cilësitë që e bënë lidhjen e tyre të pathyeshme.
Fillimisht i tërhequr nga Victoria për bukurinë dhe sharmin e saj, David pranoi: “Unë thjesht e imagjinoja atë. Nuk e dija se si ishte si person. Në fakt e imagjinoja atë si shumica e njerëzve. Nuk e dija se do lidhja gjithë jetën me të”.
Teksa thelluan lidhjen e tyre, ish-futbollistit i bëri përshtypje forca dhe etika e punës e Victoria. Dhe ajo tërheqje fillestare u shndërrua shpejt në një dashuri të thellë dhe të qëndrueshme. David e lavdëroi Victoria për forcën dhe përkushtimin e saj të jashtëzakonshëm si partnere dhe nënë:
“Nuk e kuptova menjëherë se çfarë gruaje e fortë ishte. Kjo më tërhoqi tek ajo më shumë se çdo gjë. Më pëlqen që ajo kujdeset për mua shumicën e kohës. Pastaj, ju e dini, e krijuam këtë jetë me katër fëmijë të mrekullueshëm, të cilët janë gjërat më të rëndësishme në jetën tonë.
Prandaj zgjodha Victoria, mënyrën si e menaxhon familjen. Më pëlqen si grua e fortë, punon vërtet shumë. Më pëlqen fakti se është një nënë fantastike”.
“Beckhams” u martuan në Irlandë me një ceremoni luksoze më 4 korrik 1999.
