Dominik Szoboszlai ka folur pas fitores me rezultat 2:0 ndaj Kosovës, në ndeshjen miqësore që është zhvilluar në “Puscas Areana” në Budapest.
Me golat e Dominik Szoboszlai dhe Zsolt Nagy, kombëtarja hungareze fitoi ndaj Kosovës.
“Jam i lumtur me golin tim, më shumë se me paraqitjen tonë në pjesën e parë”, ka thënë Dominik Szoboszlai.
“Ka harmoni brenda ekipit dhe kjo është arsyeja pse ne jemi të suksesshëm.
Do të më mungojë dashuria e stafit, shokëve të skuadrës dhe tifozëve, tashmë po pres me padurim ndeshjen tonë të radhës në qershor".
