Për shkak të ndryshimeve të vogla në datat e ndeshjeve të para të 1/2 finaleve në Kupën e Maqedonisë, ndryshime do të ketë edhe në datat e ndeshjeve të xhiros së 25-të në PMFL këtë fundjavë.
Gjegjësisht, derbi i madh ndërmjet rivalëve të Shkupit dhe Vardarit do të luhet të shtunën (30.03) në Çair, si dhe takimi ndërmjet Tikveshit dhe Sileksit.
Të gjitha ndeshjet e tjera të kësaj xhiro janë të planifikuara për të dielën (31.03) dhe do të takohen Brera – Rabotniçki, Struga TL – Voska, Shkëndija – Bregalnica dhe Gostivari – Makedonija GJP.
Kjo për faktin se të martën (02.04) është caktuar ndeshja e parë gjysmëfinale në Kupën e Maqedonisë ndërmjet Shkupit dhe Tikveshit, ndërsa të mërkurën (03.04) luhet ndeshja e dytë gjysmëfinale ndërmjet Voskës dhe Makedonija GJP.
