Përfundoi java e 26-të e Ligës së Dytë malazeze të futbollit, skuadfra shqiptare Otrant nga Ulqini e ka mposhtur me rezultat 1:0 Beranen vendas.
Golin e vetëm e shënoi Kristijan Shkreli në minutën e 87-të.
Bokeli kryeson me 59 pikë e ka dy më shumë se Otranti në vend të dytë.
Nga ana tjetër Berane kanë mbetur në vendin e fundit të tabelës me 20 pikë.
Dje u luajtën katër ndeshjet e mbetura të xhiros së 26-të të Ligës së Dytë dhe u arritën këto rezultate: Bokeli - Podgoricë 2:0, Kom - Internacional 2:1, Iskra - Grbalj 1:0 dhe Igallo - Llovçeni 4:1.
Raundi i radhës është caktuar për të mërkurën, me këto ndeshje: Podgorica – Berane, Internacional – Bokeli, Llovçeni – Iskra, Otrant – Igallo dhe Grbalj – Kom.
