Ferid Agushi është emëruar ndihmëstrajner i Kombëtares së Maqedonisë në futsall.
Ish-anëtari i Maqedonisë dhe trajner aktual i ekipit të futsallit Prishtina 01 do të jetë ndihmëstrajner i Vasko Skenderovski.
“Për mua është një privilegj i madh të jem pjesë e stafit profesional në ekipin më të mirë të futsallit të Maqedonisë.
Falënderoj Federatën e Futbollit të Maqedonisë që më besoi që të jem pjesë e stafit profesional në përzgjedhjen A.
Maqedonia ka cilësi dhe besoj shumë se me punë dhe përkushtim të madh mund të arrijmë shumë më tepër si ekip përfaqësues. Ne i njohim të gjithë në ekip për shumë vite.
Besoj se do të kemi një atmosferë pozitive për të arritur gjëra të mëdha”, tha Ferid Agushi.
Ferid Agushi ka luajtur mbi 100 ndeshje me fanellën e kombëtares së Maqedonisë. Ai debutoi në vitin 2010, ndërsa në nivel klubesh ka një karrierë të pasur dhe trofeshme me klube të ndryshme. Agushi është trajner i licencuar në futsal nga UEFA.
