Mike Maignan dëshiron të paktën 7 milionë euro për të vazhduar kontratën e tij me Milanin, kështu që arritja e një marrëveshjeje do të jetë e vështirë.
Sidoqoftë, nuk është e njëjta situatë që përjetuan klubi dhe Gigio Donnarumma në vitin 2021.
Bisedimet për vazhdimin e kontratës me Maignan nuk kanë arritur ende në fazën përfundimtare sepse francezi ka kërkuar një pagë të re, 7 milionë euro në vit, e cila do ta bënte atë lojtarin më të paguar në klub, krahas Rafael Leaos.
Ish-portieri i Lille aktualisht fiton 3.2 milionë euro në sezon dhe kontrata e tij me gjigantët e Serie A përfundon në qershor të vitit 2026.
Sipas “La Gazzetta dello Sport”, arritja e një marrëveshjeje mes dy palëve do të jetë e vështirë sepse Milani dëshiron të mbajë nën kontroll faturën e pagave dhe ta shohë Leaon si “përjashtimin e vetëm”.
Ylli portugez fiton 5-6 milionë euro në sezon (plus bonuse), që në total ia mundëson atij të marrë 7 milionë euro në sezon.
Sidoqoftë, mediumi italian shkroi gjithashtu se Maignan ka ende dy vjet në kontratën e tij me kuqezinjtë, kështu që rasti i tij është shumë i ndryshëm nga ai i Gigio Donnarummas pasi portieri italian refuzoi të zgjaste kontratën e tij që skadonte në vitin 2021, duke iu bashkuar PSG-së si një lojtar i lirë.
Milani nuk ka të njëjtin rrezik dhe mund të dëgjojë ofertat për Maignan në fund të sezonit nëse nuk arrijnë një marrëveshje me 28-vjeçarin për zgjatje të bashkëpunimit.
Bayern Munichi e Chelsea besohet se janë ndër klubet më të interesuara për të nënshkruar me Mike Maignan.
