Xherdan Shaqiri është shpallur futbollist i ndeshjes në kampionatin amerikan, Chicago Fire – Houston Dynamo.
Shaqiri shënoi nga penalltia në minutën e 10-të dhe asistoi në atë të 78-tën, në fitoren e Chicago Fires me rezultat 2:1 ndaj Houston Dynamo.
Shaqiri është zgjedhur lojtar i ndeshjes.
Ai është vlerësuar me notën 8.3 nga faqja e specializuar për statistika “Sofascore”.
Amine Bassi i Houston është vlerësuar me notën 8.0.
“Është ndjenjë e mirë, sidomos pasi nuk kemi fituar për kohë të gjatë. Është gjithnjë ndjenjë e mirë për djemtë të marrim fitore dhe tri pikë në shtëpi.
Gjithnjë u them djemve se kur luajmë në shtëpi askush nuk duhet të vijë këtu dhe të marr pikë. Ky gjithnjë është synimi ynë.
Shpresoj se kjo fitore na shërben për ndeshjet e ardhshme”, ka thënë Shaqiri.
