Të shtunën dhe të dielën luhen ndeshjet e javës së 30-të të Kampionatit të Malit të Zi në futboll. Katër ndeshje do të luhen të shtunën.
Në derbin kundër Buduçnostit, skuadra shqiptare Deçiqi AdmiralBet nga Tuzi, kishte barazuar me rezultat 1:1 dhe ka ruajtur epërsinë tre pikë ndaj vendit të dytë.
Deçiqi nesër (18.00) do të përballet me një nga ndeshjet më të vështira jashtë fushe, kundër Petrovacit në stadiumin "Mitar - Mico Golish".
Ky është tashmë takimi i pestë i dy skuadrave këtë sezon, pasi u takuan edhe në Kupë, Deçiqi fitoi dy herë, Petrovac një herë dhe një ndeshje përfundoi baras.
