Erzeni u mposht nga Dinamo me rezultatin 2-0 duke u afruar gjithnjë e më shumë me rënien nga kategoria.
Shijakasit mbeten me 31 pikë, plot 6 më pak se Teuta e zonës Play-Out dhe 7 nga Laçi.
Në përfundim të sfidës, trajneri Deliallisi foli .
“Dihej rëndësia e ndeshjes, vetëm fitorja na mbante në lojë. Më vjen keq sesi i pësojmë golat. Vuajmë shumë dhe humbasim shumë, kundërshtari na ndëshkon më gjysmë-rasti.
Goli i dytë ishte gabim që ndodh, por ia dhuruam golat kundërshtarit, nuk ishte meritë e tyre.
Matematika na mban në lojë dhe duhet të luftojmë. Janë 15 pikë në lojë dhe diferenca është -6. Ky është objektivi ynë”, tha Deliallisi.
