Roma në festë!
Skuadra e Romës e ka mposhtur me rezultat 2:1 Milanin, në ndeshjen e kthimit të çerekfinales së Europa League në futboll.
Mancini e hapi serinë e golave në minutën e 12-të dhe Dybala e dyfishoi atë në minutën e 22-të.
Gabbia në minutën e 85-të realizoi për udhëtuesit, 2:1.
Celik në minutën e 31-të është ndëshkuar me karton të kuq duke e lënë Romën me një lojtar më pak.
Roma edhe sfidën e parë e ka fituar me 1:0 dhe është kualifikuar në gjysmëfinale, Milani eliminohet.
Trajneri i Milanit, Pioli, është i tronditur nga ky eliminim, ndërsa homologu i tij, De Rossi kremton këtë sukses.
