Pep Guardiola ka shprehur pakënaqësinë e tij pas fitores ndaj Chelseat në gjysmëfinalen e FA Cup.
Trajneri katalanas ka kritikuar kalendarin që detyroi skuadrën e tij të luante një ndeshje të rëndësishme vetëm 72 orë pas ndeshjes së Champions League kundër Real Madridit:
“Është e papranueshme të luash sot, nuk e kuptoj pse nuk na dhanë një ditë më shumë dhe si mbijetuam”.
Referenca është se as kundërshtarët e sotëm dhe as dy gjysmëfinalistët e tjerë, pikërisht Manchester United dhe Coventry, nuk kishin angazhime europiane, ndaj ndeshja e Cityt mund të luhej të dielën.
“Njerëzit nuk e kuptojnë se çfarë goditjeje në fytyrë ishte për ne eliminimi nga Champions League. Luajtëm në kushte vërtet të vështira”, vazhdoi Guardiola.
Dhe përsëri: “Disa lojtarë bënë një sforcim të jashtëzakonshëm. E gjithë kjo pas 120 minutash në Madrid që çoi në lodhje fizike dhe emocionale, me vetëm dy ditë për t’u rikuperuar”.
