Pas humbjes ndaj Real Madrid ditën e diel në kampionat, Barcelona thuajse humbi edhe shansin për të ruajtur kurorën në La Liga. Si rezultat, merkato e verës tashmë po fiton më shumë vëmendje te klubi “blaugrana”.
Dhe fillimisht klubi dëshiron të nisë me rinovimet, duke nisur nga ai i kapitenit Sergi Roberto.
Mesfushorit 32-vjeçar, që gjithë karrierën e tij ka luajtur për Barcelonën, i skadon kontrata më 30 qershor të këtij viti.
Sipas “Mundo Deportivo”, pavarësisht nga fakti se kush do të jetë trajneri i ardhshëm i Barcelonës, lojtarit i kanë komunikuar qëllimin e tyre për të rinovuar kontratën.
Klubi do t’ia zgjasë atë edhe me një vit, me opsion për një tjetër.
