Drejtuesit e Chelsea-t kanë një listë me tre emra nga ku pritet të zgjidhet zëvendësuesi i mundshëm i Mauricio Pochettino-s.
Sipas “The Times”, Chelsea do të analizojë pozicionin e argjentinasit në fund të sezonit dhe nuk ka asnjë garanci se ai do të qëndrojë në “Stamford Bridge”.
Teksa sezoni po i vjen fundi, drejtuesit po shqyrtojnë tre alternativat për stolin.
Trajneri i Sporting, Ruben Amorim, Hansi Flick dhe trajneri i Brighton, Roberto de Zerbi janë tre kandidatët për të marrë drejtimin e londinezëve.
Flick është pa ekip që nga momenti që u largua nga Gjermania vitin e kaluar. Ai ishte një kandiatët për të marrë drejtimin e Barçës, para se Xavi të ndërronte mendim javën e kaluar.
