Borusia Dortmund ka një përballje tepër të rëndësishme ditën e nesërmen përballë francezëve të PSG-së, ndeshje e vlefshme për raundin gjysmëfinal të Ligës së Kampionëve.
Në prag sfide me parisienët, trajneri i gjermanëve ka dalë në një konferencë për mediat, ku është pyetur në lidhje me pritshmëritë e përballjes e së mërkurës:
“Të ndalosh Parisin nuk është e lehtë. Mendoj se çdo kundërshtar synon të ndalojë Kilian Mbapen, por kjo nuk funksionon gjithmonë.
Ne duhet të përgatitemi për gjithçka. E mira është se tashmë kemi përjetuar shumë. Ne erdhëm në këtë fazë duke kaluar disa kundërshtarë të vështirë, por ne duhet të kemi besim në forcën tonë.
“Në fazën e grupeve, ne zhvilluam një lojë shumë të ndryshme kundër Parisit në stadiumin tonë. Ishte një ndeshje shumë e hapur në të cilën ishim pak më afër fitores.
Parisi aktualisht është në kulmin e tyre dhe ne duhet të tregojmë të njëjtën performancë që treguam në atë kohë, ne jemi të sigurt se do të tregojmë se jemi përmirësuar".
