Llapi ka shënuar fitore me rezultat 3:2 ndaj Feronikelit 74, në takimin e javës së 32-të të Kampionatit të Kosovës.
Trim i ndeshjes është Muhamet Hyseni, duke realizuar dy gola për llapjanët.
Tarasco në minutën e 9-të kaloi në epërsi skuadrën nga Drenasi.
Muhamet Hyseni në minutën e 22-të shënoi eurogol nga gjuajtja e lirë rreth 25 metra, ku portieri Bujupi nuk kishte se çfarë të bëjë për faktin se topi ishte i shpejt sikur rrufeja.
Në minutën e 32-të Ahmed Januzi kaloi në epërsi me 2:1 Llapin.
Në minutën e 44-të, Jakup Berisha që më shumë deshi që të krosojë nga rreth 18 metra si anash 16-shit dhe topi përfundoi në portën e majtë të vendasve, 2:2.
Në minutën e 50-të, Hyseni goditi bukur dhe topi qëlloi shtyllën e futet në rrjetë, 3:2.
Ballkani kryeson me 66 pikë, pasojnë Llapi me 64, Drita 62 dhe Feronikeli 74 renditet në vend të tetë me 34 sosh.
