Laçi e mbyll me fitore, sukses i thjeshtë përballë Kukësit mes rotacioneve!
Laçi e ka mbyllur me një fitore të thjeshtë përballë Kukësit sezonin e rregullt të Kategorisë Superiore dhe tanimë duhet të mendojë për pjesëmarrjen në play-out për të mos rënë nga kategoria.
Skuadra kurbinase ka shënuar nga një gol në secilën pjesë loje, me Sobouejll dhe Barjamajn, për të mbyllur në këtë mënyrë javën e 36-të, ndaj verilindorëve të cilët kanë prerë biletën për një kategori më poshtë.
Të dy skuadrat bënë rotacion në këtë sfidë, pasi Kukësi mendoi për finalen e Kupës ndaj Egnatias, ndërsa Laçi për të ruajtur forcat për fazën play-out për të mos rënë nga kategoria.
