Pasi fitoi kampionatin vitin e kaluar, këtë vit Al Ittihad, pavarësisht ardhjes së Karim Benzema në sulm dhe Marcelo Gallardo në stol, renditet i pesti në elitën e Arabisë Saudite.
Titullin e ka fituar Al Hilal, skuadra më e suksesshme në vend, por Al Ittihad dëshiron të rikthehet sërish mes skuadrave protagoniste.
Për ta bërë këtë, sipas asaj që u raportua nga UOL Esporte, klubi arab po mendon që të ulë në pankinë Maximilliano Allegrin, i larguar para pak ditësh nga stoli i Juventusit.
Financat nuk janë problem për Al Ittihad, me këta të fundit që janë gati të plotësojnë dëshirat ekonomike të teknikut italian.
