Pas largimit të trajnerit, Armend Dallku, nga Dukagjini kanë nisur të largohen edhe futbollistët.
Ndër ta është edhe vëllai i trajnerit, Ardin Dallku, që sot përmes një postimi ka njoftuar se është larguar nga klubi klinas.
Ardin Dallku ishte pjesë e Dukagjinit për tri vite, derisa me skuadrën klinase kishte luajtur edhe në Evropë.
29-vjeçari me Dukagjinin kishin luajtur në fillim të sezonit në kualifikimet e Ligës së Konferenvës, duke u mposhtur nga Rijeka, pasi paraprakisht e kishin eliminuar FC Europan.
Dallku përvojë ka edhe në futbollin ukrainas, ku së bashku me vëllain e tij, Armendin, ishin paraqitur me fanellën e Vorskla Poltava.
Mbrojtësi i djathtë, që luan edhe si qendërmbrojtës, e kishte përfaqësuar edhe kombëtaren e Kosovës në dy ndeshje, me Dallkun që e kishte bërë debutimin e tij më 13 nëntor të vitit 2017.
Dukagjini përfundoi sezonin në vendin e shtatë në tabelë me 45 pikë.
