Selektori i Holandës, Ronald Koeman, ka publikuar listën me 26 futbollistë për Euro 2024.
Pavarësisht se është i dëmtuar, Koeman ka vendosur të përfshijë Frankie de Jong dhe Memphis Depay në listën për Gjermani, duke shprehur optimizëm se dyshja do të mund të rehabilitohen në kohë për t'u paraqitur për tulipanët në këtë Kampionat Evropian.
“Frankie do të paraqitet në kampin stërvitor të shtunën, por gjendja e tij po përmirësohet.
Ai tashmë mund të luajë në ndeshjen e parë kundër Polonisë më 16 qershor në Hamburg.
Kemi pasur një periudhë problematike me shumë dëmtime, unë jam ai që duhet të marr vendimin përfundimtar”, tha Koeman.
Lista
Portierët: Justin Bijlow (Feyenoord), Mark Flekken (Brentford), Bart Verbruggen (Brighton).
Mbrojtësit: Nathan Aké (Manchester City), Daley Blind (Girona), Virgil van Dijk (Liverpool), Denzel Dumfries (Inter Milan), Jeremie Frimpong (Bayer Leverkusen), Lutsharel Geertruida (Feyenoord), Matthijs de Ligt (Bayern Munich), Micky van de Ven (Tottenham), Stefan de Vrij (Inter Milan).
Mesfusha: Teun Koopmeiners (Atalanta), Frenkie de Jong (Barcelona), Ryan Gravenberch (Liverpool), Tijjani Reijnders (AC Milan), Jerdy Schouten (PSV), Joey Veerman (PSV), Georginio Wijnaldum (Al Ettifaq).
Sulmuesit: Steven Bergwijn (Ajax), Brian Brobbey (Ajax), Memphis Depay (Atlético Madrid), Cody Gakpo (Liverpool), Donyell Malen (Borussia Dortmund), Xavi Simons (Leipzig), Wout Weghorst (Hoffenheim).
