Marrëdhënia e Giovanni Di Lorenzos dhe Napolit duket tashmë e “krisur” përfundimisht.
Agjenti i kapitenit të napoletanëve konfirmoi se ai nuk do të veshë më fanellën e kaltër dhe në këtë mes kërkon të përfitojë Juventus.
Bardhezinjtë janë të favorizuar mes shumë klubeve që kërkojnë shërbimet e mbrojtësit të djathtë, kjo prej drejtorit sportiv, Giuntoli i cili më herët ka punuar te Napoli, madje ka qenë vetë ai që e ka afruar lojtarin në fjalë te napoletanët.
Aktualisht, Napoli e vlerëson kartonin e Di Lorenzos me 20 milionë euro, shifër e lartë për Juventusin. Megjithatë, bardhezinjtë mund të përfshijnë në këtë operacion emra si Perin, Rugani apo edhe Kean për të ulur kostot e transferimit të mbrojtësit në Torino.
