Angel Di Maria ka përfunduar sërish në shënjestrën e narkotrafikantëve.
Ish-sulmuesi i Juventusit u kërcënua nga disa anëtarë të krimit të organizuar në Rosario, vendlindja e tij.
Dy persona me kapuç hapën zjarr në një pikë karburanti, duke lënë në vend një shënim kërcënues drejt kampionit 36-vjeçar:
“Di Maria, po të presim. Nënshkruar: Los Rosarinos”.
Ky nuk është kërcënimi i parë që i bëhet futbollistit argjentinas, i cili aktualisht luan te Benfica.
Para disa muajsh para shtëpisë së prindërve u la një mesazh shumë i qartë kërcënues:
“Thuaji djalit tënd Angel të mos kthehet më në Rosario, sepse në të kundërtën do të vrasim një pjesëtar të familjes së tij”.
