Gjithçka është gati në “Wembley” për finalen e Champions League në orën 21:00.
Real Madridi dhe Borussia Dortmund do të përballen me njëra-tjetrën në një ndeshje që do të kurorëzojë kampionen e re të Evropës: një ndeshje që në letër, ka një favorit të qartë, por në fushën e lojës asgjë nuk mund të merret si e mirëqenë.
Skuadra e drejtuar nga Carlo Ancelotti ka thyer tashmë rekordet më të rëndësishme për kompeticionin disa kohë më parë, por dëshira e saj për të fituar edhe këtë vit është e madhe.
Nga ana tjetër, qëndron skuadra e Edin Terziçit, e cila do të luajë finalen e tretë e Champions League.
Në vitin 1997 suksesi i bujshëm ndaj Juventusit, në vitin 2013 disfata në frymën e fundit në derbin kundër Bayernit të Mynihut.
Ka shumë precedentë mes dy skuadrave dhe përqindjet janë të gjitha në favor të Realit: dy skuadrat janë përballur 14 herë, me 3 fitore për BVB, 6 për spanjollët dhe 5 barazime.
Megjithatë, takimi i fundit zyrtar daton pothuajse 7 vjet më parë, në ndeshjen e dyfishtë të Grupit H të Ligës së Kampionëve 2017/18.
